تانری گنجینه سینین قیفلینا فرمان دیر آنا

الله ین کولگه سی یئر اوسته نمایان آتادیر

بالاسی باشینین اوستونده نگهبان دیر آنا

اونا باغری نگران گیزلیجه هر آن  آتادیر

دردینه، محنتینه ،رنجینه ، درمان دیر آنا

درد و غم دن قورتاران باشا چیخاردان آتادیر

اؤله بو یولدا دئمز،مهر ایله قربان دیر آنا

او گؤزل مهرینه هم طفلینه قوربان آتا دیر

بو گؤزل اؤلکده بو گول لره  آران دیر آنا

باخچانی بسله ین، هرس له ین، باغمان آتا دیر

گؤزلری سؤزلری تمثیل ده جئیران دیر آنا

قورخولو اولسا وطن تورپاغی، آسلان آتا دیر

اولا بیر درد و بلا زار و پریشان دیر آنا

اوشاغین  یانلیشینا جان وئره تاوان آتاد یر

سئوگیده عشق ده پیمانینه بنیان  دیر آنا

چکیده اؤلچوده ایمانینا  اذعان آتا دیر

یئنگی ده قیزلاریمیز صاحب دوران دیر آنا

بو بقا  رازی دی بیر گؤن گؤرر اوغلان آتا دیر

گؤزلیم قدیرینی بیل حوری حوران دیر آنا

شاهلارین شاهی دی  باش تاجینا عنوان  آتا دیر

گئتمه میش آل قاداسین، کاچ گئجه مهمان دیر آنا

تانرینین وارلیغینا ، وئردیگی احسان آتا دیر

هر کسین واردی خوش احوالینا جانان دیر آنا

اولسا هر ائوده ، وئرن ایشلره سامان آتا دیر   

(آیدین قوجا)

Tanrı gəncinəsinin qıflına fərman dır ana

Allah ın kölgəsı yer üstə nəmayan atadır

balası başının üstündə nigəhban dır ana

ona bağrı nigəran gızlıcə hər an atadır

dərdinə, mehnətinə ,rəncinə , dərman dır ana

dərd ü qəmdən qurtaran başa çıxardan atadır

ölə bu yulda deməz,mehrilə qurban dır ana

o gözəl mehrinə həm tiflinə qurban ata dır

bu gözəl ölkdə bu gullərə aran dır ana

baxçanı bəsləyən, hərsləyən, bağman atadır

gözləri sözləri təmsil də ceyran dır ana

qorxulu olsa vətən turpağı, aslan ata dır

ola bır dərd ü bəla zar ü pərışan dır ana

uşağın yanlışına can verə tavan atadır

sevgidə eşqidə peymanına bünyan dır ana

çəkidə ölçüdə imanına izaan ata dır

yengidə qızlarımız sahib dovran dır ana

bu bəqa razı dı bır gön görər uğlan ata dır

gözəlim qədrini bıl huri huran dır ana

şahların şahıdı baş tacına ünvan ata dır

getmə mış al qadasın, kaç gecə mehman dır ana

tanrının varlıqına , verdyiyi ehsan ata dır

hər kəsin vardı xoş əhvalına canan dır ana

ulsa hər evdə , verən işlərə saman ata dır

(aydın qoca)